(+354) 561 6173 | Address: Laufásvegur 40 - 101 Reykjavík - Iceland | info@stef.is

18. febrúar 2020

Þann 4. febrúar 2020 tók STEF í notkun nýtt gagnagrunnskerfi. Leysti það af hólmi kerfi sem verið hafði í notkun frá aldamótum. Hið nýja kerfi er mjög til hægðarauka fyrir starfsfólk STEFs og býður uppá ýmsa möguleika og útfærslur sem auðvelda mun allt starf STEFs. Jafnframt mun hið nýja kerfi opna meðlimum notendavænni leiðir til skráninga, upplýsingaöflunar um verk og utanumhald í gegnum nýjar „Mínar síður“, sem eru í vinnslu og verður hleypt af stokkunum fljótlega.

Við bendum meðlimum á, að verk sem þeir hafa skráð eftir að kerfisskiptin fóru fram, birtast ekki í núverandi útgáfu af „Mínum síðum“, því sú útgáfa styðst við gamla gagnagrunninn, sem ekki hefur verið skráð í eftir 4. febrúar, þegar nýja kerfið var tekið í gagnið. Skráningar sem meðlimir hafa sent inn eftir þann tíma hafa þó verið færðar skilmerkilega til bókar í nýja kerfið og munu blasa við meðlimum þegar ný útgáfa af „Mínum síðum“ verður opnuð.

Þangað til geta meðlimir áfram skoðað eldri útgáfuna hérna.