(+354) 561 6173 info@stef.is

Hárgreiðslu- og snyrtistofur

Alltaf þarf að greiða til STEFs þegar leikin er tónlist á stöðum þar sem tekið er á móti viðskiptavinum, hvort heldur tónlistin kemur frá útvarpstæki, sjónvarpi, segulbandi eða annarstaðar frá. Og tónlistin er vel þegin af viðskiptavinum og hefur veruleg áhrif á upplifun viðskiptavinarins í versluninni og kauphegðun hans. Öllum er ljóst að þessi kostnaðarliður, sem ekki getur talist hár, skilar sér margfalt til baka í aukinni sölu og ánægðum viðskiptavinum.

Algengar spurningar og svör

En ég er bara með kveikt á útvarpinu og greiði útvarpsgjald?
Flutningur tónlistar telst vera opinber ef hann fer fram á stað sem almenningur hefur aðgang að.  Ekki skiptir þá máli hvaðan tónlistin kemur, t.d. er spiluð af plötuspilara, streymt úr snjalltæki, hún spiluð af hljóðfæraleikurum á staðnum eða kveikt er á útvarpi. Hefur STEF enga möguleika á því að kanna uppruna tónlistarinnar, það eina sem skiptir máli frá sjónarhóli STEF er hvort tónlist hljómi í viðkomandi rými. Er sérstaklega tekið fram í greinargerð með höfundalögum að spilun tónlistar úr útvarpi teljist vera sjálfstæður opinber flutningur og því þarf að greiða fyrir notkun tónlistar á þann hátt eins og á annan hátt.  STEF skiptir sér þannig ekki af því hvaðan eða hvernig tónlistin kemur sem spiluð er og aðferðin við að útvega tónlistina hefur engin áhrif á það hvort flutningur telst opinber og hvort geiða eigi höfundum fyrir notkunina.

En ég er að borga Spotify fyrir notkun á tónlist?
Til eru ýmsar leiðir til að útvega sér tónlist til spilunar í atvinnurekstri og ein leiðin er að nota lagalista af netinu eða í gegnum app. Eins og fram kemur í svari við spurningunni hér að ofan, þá hefur það ekki áhrif á það hvort tónlist sé flutt opinberlega og þar með að það beri að greiða höfundum fyrir notkunina hvaðan tónlistin sem spiluð er kemur. Nokkur fyrirtæki eru sérhæfð á þessum markaði og sem aðstoða fyrirtæki við að velja réttu tónlistina fyrir viðkomandi markhóp. Þau hafa líka mismunandi tæknilegar lausnir varðandi streymi tónlistarinnar. Þrjú fyrirtæki starfa sérstaklega á Íslandi á þessum markaði:  ATMO Select, Aurora Stream og Tónlist.is.  Spotify selur aðgang að stórum gagnabanka tónlistar á netinu og um leið fjölda lagalista sem þegar eru til staðar eða viðkomandi getur búið til sjálfur. Samkvæmt þeirra eigin skilmálum er einungis heimilt að nýta þjónustu Spotify til einkanota og þar með er óheimilt að nýta aðgang einstaklings í verslunarrekstri fyrir viðskiptavini. Í einstaka löndum hefur Spotify sérstaklega markaðssett leyfi til fyrirtækja sjálft eða í gegnum dótturfyrirtæki sitt Soundtrack your brand.

Fyrir tónlist sem flutt er í verslunum, heilsuræktarstöðvum, sólbaðsstofum, hárgreiðslustofum, snyrtistofum, nuddstofum, allt að 100 fm að stærð greiða 4.500.- kr á mánuði

 

Ef þig vantar upplýsingar, ekki hika við að hafa samband

9 + 8 =

Heimilisfang

Ármúli 7

108 Reykjavík.

 

Hafa samband

Sími: (+354) 561 6173

E-mail info(@)stef.is

 

Opnunartími skrifstofu

Virkir dagar frá:

10:00 til 12:00 & 13:00 til 15:00