(+354) 561 6173 | Address: Laufásvegur 40 - 101 Reykjavík - Iceland | info@stef.is

STREYMI FRÁ TÓNLEIKUM

Sérstök verðskrá fyrir streymi tónleika, sem gildir tímabundið vegna COVID-19

  • Ef tónhöfundurinn sjálfur ber ábyrgð á streymdum tónleikum og viðkomandi er höfundur allrar þeirrar tónlistar sem er streymd, eru ekki greidd höfundaréttargjöld af streyminu (undir þetta fellur t.d. „live-stream“ á Facebook og YouTube). Ef verk eftir fleiri tónhöfunda eru flutt á slíkum tónleikum er greitt lágmarksgjald kr. 4.000 fyrir einstaka tónleika.
  • Fyrir streymistónleika sem ekki falla undir ofangreint skal — burtséð frá því hvort streymið er beint eða gert aðgengilegt eftirá og streymt skv. pöntun (on-demand) — greiða 10% af heildartekjum vegna streymisins. Með heildartekjum er m.a. átt við styrki, kostanir, miðasölu, frjáls framlög í gegnum þjónustuveitur eins og Aur/Kass, sem og aðrar tekjur.
  • Fyrir streymi af hálfu fyrirtækja, stofnana eða samtaka, sem þó eru ekki eða lítið tekjuskapandi, skal reikna lágmarksgjald af streyminu skv. annarri hvorri neðangreindra aðferða, sem gefur hærri niðurstöðu fyrir STEF.

     

    • 10% af framleiðslukostnaði/kostnaðaráætlun viðburðarins eða
    • 0,76 kr fyrir hverja streymda mínútu af tónlist
      • Dæmi: 1.000 áhorfendur hlusta á 60 mínútna tónleika þýðir höfundaréttargjöld upp á 45.600 kr.
    • Ef tónleikum er streymt beint er ekki innheimt hljóðsetningargjald, en ef tónlistin er gerð aðgengileg eftir á og streymt skv. pöntun (on demand), þá ber að greiða hljóðsetningargjald til NCB. (Hljóðsetningargjald fyrir tónleika sem eru aðgengilegir í allt að sjö daga eftir útsendingu eru 45 Evrur. Séu tónleikarnir aðgengilegir í lengri tíma en það gildir stöðluð verðskrá NCB fyrir hljóðsetninguna. Sjá ncb.dk fyrir frekari upplýsingar).
    • Ekki eru greidd nein höfundaréttargjöld af góðgerðartónleikum sem ætlað er að safna fé til tiltekins málefnis, svo lengi sem allir aðrir sem koma að tónleikunum falla frá kröfum um greiðslu, en þá er ekki einungis átt við flytjendur, heldur einnig tónleikastaðinn, tækniaðstoð og leigu á tilheyrandi búnaði.

Ef þig vantar upplýsingar, ekki hika við að hafa samband

10 + 15 =

Heimilisfang

Laufásvegur 40

101 Reykjavík.

 

Hafa samband

Sími/Tel: (+354) 561 6173

E-mail: info (hjá) stef.is

 

Opnunartími skrifstofu

Virkir dagar frá:

10:00 til 12:00 & 13:00 til 15:00